Во прекрасната атмосфера на село Бањишта, Дебарски бањи Цапа, на ден 27.12.2024 год. се одржа Новогодишниот базар „Вредни раце, силна заедница“. Настанот ги обедини жените од различни етнички заедници и култури, кои имаа можност да промовираат уникатни рачно изработени производи како традиционална храна, ракотворби, новогодишни сувенири, плетени шалови и капи, билни чаеви, рачно изработен накит и многу повеќе.
Настанот беше одлична платформа за размена на искуства, инспиративни приказни и поддршка. Жените слушнаа успешни примери од оние кои веќе водат свој бизнис, како и од оние кои се во процес на започнување. Тие отворија дискусии за предизвиците и можностите во нивното економско јакнење.
На базарот се зацврсти соработката со нашите долгорочни партнери, како GIZ Zeni Свети Николе, а добивме и поддршка од сродни организации од соседна Албанија, кои го збогатија настанот со своето присуство и искуства.
Изразуваме голема благодарност до сите посетители за покажаниот интерес и поддршката, како и на нашите долгогодишни партнери од Банјите Цапа Баништа -Дебар, со кои ја градиме оваа успешна соработка.
Оваа активност е дел од годишната програма на Радика Де, финансиски поддржана со институционален грант од Акција Здруженска и Квина Тилл Квина.
